Chapter 39- When Seven Was Born

NAMIMILIPIT sa sakit ng tiyan si Rosette matapos ang dalawang araw ng kaniyang kaarawan. Aaminin niyang parang naging natural na araw lamang ang kaniyang kaarawan, pero dahil kay Levi ay naging makabuluhan ito kahit papaano.

Madaling araw no'n pero gising na gising na ang diwa niya sa matinding paghilab ng kaniyang tiyan. Masakit din ang kaniyang balakang at pakiramdam niya ay posible nang lumabas ang kaniyang anak na nasa sinapupunan nang kahit anong oras.

"Ah! Nay, tulungan mo ko!" pagdaing niya sa sakit. Hindi niya alam kung ilang beses na ba siyang napabaluktot sa may higaan dahil sa matinding paghilab ng kaniyang tiyan.

"Diyos ko, m-manganganak ka na yata, anak!" natatarantang sabi ng kaniyang ina. "Sandali." Inihanda nito ang mga kailangang dalhin na gamit patungo sa hospital. At saka ito tumawag ng masasakyang tricycle.

Doo'y tinulungan sila ng tricycle driver na si Mang Lando na dalhin ang kanilang mga gamit na dadalhin sa hospital at pagkatapos ay kinalong siya nito papaso