Chapter 53- Goodbye and Thank You

AFTER SEVERAL months ay tuluyan na muling nakapaglakad si Fifth sa tulong ng kaniyang walk therapy session. At kasabay nang pagsisikap ni Rosette na balikan nila ang lahat ng kanilang alaala ay unti-unti na ngang bumalik ang kaniyang mga alaala.

Sa kasalukuyan ay naibalik na rin sa pangangalaga niya ang kaniyang Suzuki Burgman na motorsiklo. Kung saan ay malaki ang pasasalamat niya sa Makati police station sa pag-iingat nito sa kaniyang pag-aari. Dahil dito ay nanaig sa kaniyang isipan na dapat lamang niyang kausapin sina Eunice at Zoren sa pagbabalak nito ng masama noon sa kaniyang motorsiklo. Gayundin sa pangingialam ni Eunice sa kaniyang sariling ipon na para sana ay sa kinabukasan nilang dalawa ni Rosette.

Kahit papaano ay nawawala ang mga isipin niya magmula nang magpasya na rin siyang bumalik sa pagbabanda at ipagpatuloy ang buhay sa kabila ng mga nangyari. Hindi niya lubos akalain na pareho lang pala silang nangulila ni Rosette, at nais niyang bumawi rito sa mga panahong nawal