Chapter 40- Wake Up!

"Levi?" Sandali silang nagkatinginan ni Roselle nang mapagtantong sabay silang nagsalita.

"Ilapag ko lang sandali si Seven sa may k'warto." Narinig naman nilang wika ng ina. Napatango naman siya at kapagkuwa'y nakita niyang kusang iniwas ni Roselle ang tingin sa kaniya bago pa siya matulala sa kawalan. Aaminin niyang hindi si Levi ang inaasahan niyang makitang bubungad sa pintuan. At napakahipokrita niya naman kung kaniyang hindi aaminin na si Fifth iyon. Matapos kasi ang kanilang pag-uusap ni Samuel ay tila nabuhay ang kaniyang pag-aalala para sa binata.

It's been two weeks pero parang sariwa pa rin sa isipan niya kung paano ito nangako sa kaniya.

"Ahm, p'wede na ba akong makapasok?" tanong ni Levi na tila naiilang.

"Ah, oo naman!" masiglang kasagutan ni Roselle. Habang siya naman ay nanatiling tahimik.

"Thank you. Ahm, nagdala nga pala ako ng meryenda para sa inyo," ani Levi habang inaabot ang dalawang box ng pizza.

"Salamat, nag-abala ka pa," wika ni Roselle.

Napansin naman nito