Chapter 20

Maagang nagising si Jacob dahil sa ingay sa kaniyang pinto. Kahit na takpan niya ng unan ang kaniyang ulo, tila anng mga mabibigat at mabibilis na yapak ng mga paa ay inaasar siya.

Padabog siyang tumayo habang ang kaniyang mukha ay nakabusangot. Hinila niya ang kalahating tulog na katawan paalis ng kama at hinatak ang kaniyang mga paa upang sigawan at pagsabihan kung sino man ang umistorbo ng kaniyang tulog.

Ngunit nang buksan niya ang pinto, agad na nanlaki ang kaniyang mga mata nang makita si Lauren na nasa kaniyang harapan.

Samantala, si Aster ay naghahanap ng kaniyang mapagtataguan, kung saan siya pwedeng makapagbasa nang hindi nakatatagpo ng sinumang Elysian.

Nakalabas siya sa mala-palasyong tirahan ng mga Elysian. Napakalawak ng Elysium, maraming iba’t ibang bulaklak sa paligid at presko ang hangin. Nakakita siya ng usa sa malayo, na siyang nagpaalala sa kaniya ng nakita niy