Chapter 30

Kung sa karaniwang sitwasyon, dapat na ang unang ginawa ni Jacob ay ang lumayo mula kay Paula. Sabihin na mali ang nangyayari, at na hindi niya dapat iyon ginawa. Ang imahe ng maamong mukha ni Kyla ay biglang pumasok sa kaniyang isipan, at ang mukha nitong dismayado ang siyang nagbigay kay Jacob ng lakas ng loob upang itulak nang marahan palayo si Paula sa kaniya.

Gulat ang naging ekspresyon sa mukha ng dalaga, halata na hindi niya inaasahan ang ginawa ni Jacob. Agad na nagsisi si Jacob sa kaniyang ginawa ngunit nanatili siya sa kaniyang sarili dahil maski siya ay hindi makapaniwala dahil doon. “Paula,” sambit niya at sinubukan siyang hawakan sa braso.

“N-No,” utal na sagot ni Paula. Inilayo niya ang saril mula kay Jacob at inayos ang kaniyang buhok. “I’m so sorry, I didn’t mean to…I mean I’m not in my right mind,” dagdag nito, halos mawalan ng kulay ang kaniyang mukh