Chapter 31

Napakuyom ang mga kamao ni Jacob habang nanlalaki ang kaniyang mga matang nakatanaw kay Freddie na masayang masayang nakikipag kwentuhan sa mga mayayamang bisita. Halata nito na bagong bago na ang kaniyang buhay, at wala na ang kaibigan niyang minsan niyang nakasama sa hirap at ginhawa ng buhay.

Ang malalapad na ngiti ni Freddie ang siyang nagpakulo ng dugo lalo ni Jacob. Hindi siya makapaniwala na ganoon kasaya ang kaibigan matapos siya nitong lokohin at piitin sa isang malagim na sitwasyon. Wala nang pumasok sa isip ni Jacob sa mga sandaling iyon, at ang tangi niya lamang naiisip ay ang kumprontahin si Freddie at ilapat ang kaniyang kamao sa mukha nito.

Huminga nang malalim si Jacob. Inilipat niya sandali ang kaniyang mga mata kay Mr. Gregory, na siyang kumakain sa Presidential table at nakikipag huntahan sa mga ilang guests. Tinanaw niya sa kaniyang gilid si Paul at Sid na maingat na nagmamasid sa paligid, at ang ilan pang m