Chapter 90: Neybor? kapit-bahay na lang.

“Daddy,” mahinang kinatok ni Keirah ang pintuan ng master’s bedroom para puntahan ang Daddy niya.

“May problema ba?” tanong nito pag-bungad sa kanya.

“Sabay na po tayo kumain, Dad. Nagluto ako ng paborito mong bulalo,” nakangiting pag-yaya niya dito. “Tara?”

Sumilay ang ngiti sa labi ng matanda. Bigla yatang maging sweet itong anak niya. May kailangan kaya ito? “May kailangan ka ‘no?”

Kunwaring sinimangutan ni Keirah ang sinabi ng ama. “Wala, Dad. Namimiss lang kita kasabay kumain. Y’know hindi na nga tayo nagkikita eh,” bwelta niya.

“Haha oo nga. O siya, tara na. Dapat masarap yan ha.”

Nagpatiuna na itong mag-lakad. Pangiti-ngiti siya habang nakasunod dito. Ang totoo niyan nalalapit na ang birthday ng Daddy niya at gusto niya itong surpresahin. Pero wala siyang ideya kung paano magsisimula.

“Ano Daddy, masarap ba?” tanong niya nang nasa hapag-kainan na sila.

“Hmmm kuhang-kuha mo na ang luto ng Mommy mo ha,” nakangiting wika nito habang ninanamnam ang sabaw ng bu