Chapter 104: 2 plus 1

“CJ, can you please give this dish to Mr. Benavidez?” sosyal na utos ni Mrs. Liu kay CJ.

Sumimangot si CJ, nananahimik siya na nakahiga sa sofa at nag-iisip ng iko-choreo na sayaw, ay nakita pa rin talaga siyang utusan ng kanyang ina.

“Mom, can’t you see? Nag-iisip ako. Bakit hindi na lang ikaw?”

“Anong nag-iisip? Tulala ka lang naman r’yan?”

“Exactly. I’m thinking,” umikot ang mga eyeball ni CJ. Magma-matigas pa sana siya ngunit nabatukan na siya ng kanyang ina.

“Ouch, that’s hurt!”

“Tumayo ka dyan!”

Tumayo naman na agad ang binata at nakasimangot na sumunod kahit naiinis. Baka hindi lang batok ang abutin niya sa Mommy niya.

Nakadalawang-beses siyang nag-doorbell sa bahay ng mga Benavidez. See, ang weird. Hindi naman siguro maghihirap sa ulam ang mga Benavidez eh, bakit kailangan pa nilang bigyan?

“Yes?”

Maang na napatitig si CJ sa magandang mukha na dumungaw sa kanya. Si Keirah yun, ang babaeng may utang pa sa kanya. Matamis siya nitong nginitian.