Chapter 58

Tumayo si Alexandros at naglakad sa unahan pagkatapos nilang mapanood ang replay ng cctv, walang nagsasalita ni isa sa kwartong kinaroroonan nila. Madilim ang mukha ng binata, halatang nagpipigil lang sa galit. Lahat naman ng staff na nandun ay kinakabahan dahil ngayon lang nila nakitang ganito ang reaksyon ng boss nila.

Maski ang ibang MMC member na nakapanood din ay halos walang imik at umiiling na lamang. Si Jaxon naman ay napabuntong hininga, alam nito kung paano magalit si Alexandros at walang nakakapigil dito.

Halos mapatalon silang lahat sa kinauupuan ng biglang hampasin ng malakas ni Alexandros ang mahabang mesa. Masamang tiningnan nito sila Jenny at Colleen, samantalang ang dalawa naman ay napayuko sa takot.

“ANG. AYAW. KO. SA. LAHAT. AY. SINUNGALING. AT. NANANAKIT. NG. KAPWA.” Bawat katagang binigkas ni Alexandros ay may diin at galit.

Bigla naman tumayo si Jenny at Colleen at lumapit kay Alexandros sabay luhod sa harapanan nito.

“Sir Alexandros, patawad po!” malakas na