Chapter 39: Her Laugh

Third-person's Point of View

"Gusto kong maki-join sa meeting ninyo para may mai-suggest ako pero I'm already late to my office. Balitaan n'yo na lang ako mamaya pag-uwi ko!" ani Felicity na natataranta na sa pag-alis dahil may kliyente raw siyang nasa opisina na naghihintay.

Nalaman kasi niyang tinawag ni Elyana ang lahat ng kasambahay sa kanilang mansion para makausap nang masinsinan. Nagtatakang naiwan si Elyana matapos marinig ang sinabi ng kaniyang kaibigan. Gusto pa sana niyang habulin para tanungin kung anong ibig niyang sabihin sa sinabi nitong sa pag-uwi na lamang niya. Tila isa kasing puzzle at may iba itong ibig na sabihin sa mga salitang iyon.

Nang matapos na sa mga gawain ang mga kasambahay ay inipon na niya sila sa hardin kung saan presko ang hangin at mas maaliwalas kumpara sa loob ng bahay. Gusto lamang niyang palitan ang ilang polisiya sa kanilang trabaho. Hindi na niya ipinalam sa kaniyang mga magulang dahil alam naman niyang sasang-ayon din sila kapag kanilang na