Chapter 28

Bahagyang nagmulat ng kanyang mga mata si Penelope at muli rin iyong ipinikit ng makaramdam ng matinding pagsakit ng ulo. Mariin niyang diniinan ng mga daliri ang sintido at marahang minasahe iyon. Sa dami ng nainom niya kagabi, natitiyak niyang hindi lang sakit ng ulo ang aabutin niya.

Ilang sandali rin s’yang nasa ganoong posisyon at pinakikiramdam ang sarili nang mapabalikwas ng bangon.

Oo nga pala, lumabas siya kagabi!

Bigla ang pagbundol ng kaba sa kanyang dibdib. Wala s’yang iba naaalala kagabi kundi ang pagsakay niya ng taxi at ang pagbibigay niya ng address dito. Pagkatapos niyon ay nakatulog na siya.

Sa naisip ay mabilis niyang iginala ang mga mata sa silid na kinaroroonan kahit na nga hilong-hilo pa s’ya. Nakahinga naman siya ng maluwag ng matantong nasa kwarto s’ya ni Timothy at nakahiga sa mismong kama nito.

Tiningnan niya ang sarili. Nakapantulog na s’ya habang ang kanyang bihisan ay nakalagay na sa laundry basket na nasa malapit sa banyo. Nang lumingon siya sa kanyang t