Chapter 13.2

DALI-DALING isinuot ni Callie ang mga hinubad na damit habang nagmamatyag at pinapakarimdaman ang paligid. Nang makita kanina sina Alice na ibang direksyon ang tinungo, hindi niya napigilang sumunod sa mga ito lalo pa't alam niyang may pinaplanong masama ang mga ito sa isa sa mga kasamahan nito.

Hindi maalis-alis ang kan'yang ngiti sa labi habang inaalala ang ginawa niyang pagtulong kay Aimen nang pinagtripan ito nina Alice. Bukod do'n, masaya siya dahil sa tagal ng panahon ay no'n lang siya ulit nakapag-anyong lobo.

"Are you that happy?" tanong niya sa kan'yang lobo. Ramdam niya kasi na nasiyahan ito na muling nakalabas.

Matapos makapagbihis ay bumalik na siya sa kan'yang grupo.

"Where have you been?" nag-aalalang tanong sa kan'ya ni Megan.

Napansin niya na mukhang nagkakagulo ang mga kasamahan niya. "Ano'ng meron?"

"Aakyat ngayon dito 'yong mga rangers na naiwan sa baba. May mga estudyante kasi kanina na nagsigawan na may malaking lobo raw," tugon ni Megan na sa tono ng pananalita a