Chapter 19

NAIINIS na isinilid ni Hera sa bulsa ang kaniyang cell phone nang makitang naubusan na iyon ng baterya. Balak sana niyang tawagan si Marcus upang ibalita rito na nakuha niya na ang address ng tinitirahan ni Calista.

Medyo tahimik na at iilan na lamang ang nasasalubong ni Hera sa maliit na kalye patungo sa bahay nina Calista dahil sa pasado alas diyes na ng gabi. Habang naglalakad ay hindi mapawi-pawi ang mga ngiti niya sa labi dahil sa excitement na nararamdaman ngayong malapit na uli silang magkita ng matalik niyang kaibigan.

Mas lalo pa siyang napangiti nang matanaw niya na ang malaking bahay nito. Binilisan niya na ang paglalakad subalit kaagad din siyang napahinto at napatago sa likod ng nakaparadang kotse malapit sa kaniya nang makita ang isang pamilyar na babae sa tapat ng pintuan ng bahay. Nanlaki ang mga mata niya nang makilala kung sino ang babaeng iyon. Si Althaia!

Maraming katanungan sa utak ngayon ni Hera. Bakit ito nasa Duncan Mills? At paano nito natunton si Calista?

Kaa