"PAANO mo ako nahanap? Magkasama ba kayo ni Althaia?" sunod-sunod na usisa ni Callie kay Hera. Isinara niya ang pinto ng kan'yang silid at iginiya si Hera paupo sa kaniyang kama. Tinabihan niya ito at mahigpit na hinawakan ang kamay.Suminghot si Hera na katatapos lang umiyak pagkatapos, pinunasan ang basang pisngi. Umiling-iling siya at tinitigan si Callie. "Hindi ko siya kasama. Marahil ay natunugan niya ang plano namin ni Marcus kaya ka niya pinuntahan dito."Napangiti si Callie nang marinig ang pangalan ng kaibigan niya ring si Marcus. "Si Marcus? Hinahanap niya rin ako?"Tumango na lamang si Hera bilang tugon."Kumusta na siya?" tanong ni Callie pagkatapos, nginisihan si Hera na tila ba tinutukso ito nang maalala niya ang estado ng relasyon ng mga ito. "Kumusta na kayong dalawa?"Matamlay na ngiti ang itinugon ni Hera sa kaniya dahilan para mapakunot siya at magtaka."Katulad na rin natin siya," nakayukong sabi ni Hera.Mas lalo pang napakunot si Callie. "What do you mean?" Tiniti
"HEY, are you okay?" usisa ni Clyde kay Callie nang sulyapan niya ito sa passenger seat. Napansin niya na seryosong nakatuon ang mga mata nito sa tinatahak nilang kalsada at tila napakalayo nang iniisip.Tipid na nginitian siya ni Callie pagkatapos, nilingon siya nito. "May iniisip lang ako."Tumango si Clyde. "May nangyari ba kagabi pagkatapos kong umalis?"Napansin ni Clyde ang pag-aalinlangan sa mukha ni Callie dahil sa sinabi niya. Yumuko ito at nilaro-laro ang mga daliri sa kamay."Wala," tugon ni Callie sabay tumingin sa labas ng sasakyan.Napakunot si Clyde at mas lalo pang na-curious. "You're hiding something from me."Lumingon sa kaniya si Callie, nakakunot at may lungkot sa mga mata."It's written all over your face," dagdag pa niya.Bumuntonghininga si Callie at matamlay siyang nginitian. "There is someone I would like you to meet."Ngumuso siya at sumimangot. "Lalaki ba 'yan?" pabiro niyang tanong.Natawa si Callie sa naging tugon niya. Napangiti na rin siya dahil kahit pa
LUMIKO si Marcus sa isang eskinita nang mapansin si Esteban na bumubuntot sa kaniya. Hindi niya kilala si Esteban ngunit natitiyak niyang tauhan ito nina Henry at Althaia dahil amoy na amoy niya ang pagiging taong-lobo nito.Ilang eskinita pa ang nilikuan niya upang ilihis si Esteban sa lugar kung nasaan ngayon sina Hera at Callie. Nang nakalabas na siya sa eskinita at malayo na ang narating ay tumigil siya sa tabi ng isang malaking kahon ng basurahan at lumingon sa kaniyang likuran upang tingnan kung gaano na kalapit sa kaniya si Esteban dahil mas matingkad na ngayon sa kaniyang pang-amoy ang amoy nito. Nagtaka siya nang hindi niya ito nakita, alam niyang naroroon pa rin ito dahil naaamoy niya ito. Luminga-linga siya, hindi niya na alam kung nasaan siya. Puro ang mga nagtataasang talahib at mga puno ng mangga at santol lamang ang natatanaw niya.Sa biglang paglingon ni Marcus sa unahan ay muntik na itong mabuwal sa kinatatayuan nang biglang bumulaga sa kaniyang unahan ang nakangising
"TUMATAWAG na siya," sambit ni Hera kay Marcus nang rumehistro sa screen ng kan'yang cell phone ang pangalan ni Callie. Pagkatapos ng ginawa nilang pakikipaglaban kay Esteban ay nagpasya si Hera na suyurin ang buong lugar upang tiyakin na sila lamang ang naroroon. Sa kaniyang pag-iikot-ikot ay napagtanto niya kung gaano kalawak ang kanilang kinaroroonan at sa gitna ng talahiban ay natagpuan niya ang isang abandunadong maliit na kubo. Dinala niya roon si Marcus upang doon gamutin ang mga sugat nito. Inilapag ni Hera ang basang tela sa tabi na ginamit niyang pamunas sa mga sugat sa katawan ni Marcus at dinampot ang cell phone sa lapag, nagdadalawang-isip kung sasagutin ang tawag ni Callie."Sagutin mo na, sigurado akong nag-aalala na siya," nanghihinang wika ni Marcus sabay lingon sa nakabukas na bintana at tiningnan ang langit na malapit nang dumilim.Tumango si Hera at tumikhim bago sinagot ang tawag. "Calista?"Hindi sumagot si Callie. Tinawag ulit ito ni Hera subalit tanging ang p
GULAT na tinitigan ni Althaia ang damit ng pinsan niyang si Calista nang inilapag iyon ni Henry sa sahig, sa kaniyang harapan. Napalunok siya at naiilang na tinitigan si Henry."I can tell that something's going on base lamang diyan sa reaksyon mo," malamig at seryosong sabi ni Henry. "Bakit mo hinahanap si Calista?"Iniiwas niya ang tingin at hindi na mapakali sa trono na kaniyang kinauupuan."Buhay pa ba siya?" tanong ulit ni Henry sa kaniya.Napakapit siya nang mahigpit sa silyon ng kaniyang trono. Noong araw na nakumpirma niya kay Calista na wala itong planong kunin sa kan'ya ang trono ay nagpasya siyang huwag nang ipaalam pa kay Henry na buhay ito sapagkat tiyak niyang hindi ito tatantanan nito. Sigurado siyang papatayin ni Henry si Calista dahil naniniwala itong magiging banta ang kaniyang pinsan sa kaniyang pamumuno.Madilim ang mukhang lumapit si Henry kay Althaia, saka ipinatong ang mga palad sa silyon ng trono nito at yumukod upang magpantay ang kanilang mga mata."Nasa Dunca
NATULALA si Clyde sa pagkabigla sa pag-alok sa kan'ya ni Callie na magtanan. Ilang segundo niya munang tinitigan ito upang tiyakin kung seryoso ba ito sa mga sinabi.Mula naman sa kinauupuan ni Callie, kitang-kita niya sa mukha ni Clyde ang kaba at dinig niya rin ang malakas na kabog nang dibdib nito. Pagkatapos ng pag-uusap nila ni Hera kahapon ay nabuo ang kaniyang desisyon na lisanin na lamang ang Duncan Mills at iwanan ang mga taong naging parte ng kaniyang buhay roon upang hindi na madamay ang mga ito sa gulo sa pagitan nila ni Althaia.Tinawanan niya na lamang si Clyde upang pahinahunin ang nararamdaman nito."I was just joking," bawi niya sa nauna niyang sinabi.Nakahinga naman nang maluwag si Clyde at natawa na lang din. "You got me there for a second."Ngumiti si Callie at matamang tinitigan si Clyde. "Pero kung totoo iyong sinabi ko... Papayag ka ba?"Tumawa si Clyde at sumandal sa upuan sabay pinagkrus ang mga braso. "Hindi mo gagawin iyon, Callie. Alam ko kung gaano kataas
NANG hindi datnan ni Hera si Callie sa DM University ay tinawagan niya si Mercy upang alamin kung nasaan ito. Nang sabihin sa kaniya ni Mercy na pumasok na raw ito sa paaralan ay may hinuha na siyang pinagtataguan siya nito dahil hindi niya maamoy o maramdaman ang presensya nito sa kahit saang parte ng unibersidad. Kahit ilang beses niya ring tawagan ito ay hindi siya nito sinasagot kaya naman ang sunod niya nang pinuntahan ay si Clyde na kasalukuyang nasa duty nito.Patago niya lamang na sinubaybayan si Clyde subalit sa ilang oras na pagsubaybay niya sa mga kilos nito ay napagtanto niya na wala itong alam sa kinaroroonan ngayon ni Callie.Inabot na siya ng gabi sa kalilibot sa mga lugar na sa tingin niya ay posibleng puntahan ni Callie subalit nabigo pa rin siyang makita ito. Hindi niya na mapigilang mainis kay Callie dahil sa oras na naaaksaya nila na sana ay ginugol na nila sa paghahanda sa pagharap kina Althaia at sa pack nito.Sinubukan niya ulit na tawagan si Callie subalit katul
UMALINGAWNGAW ang pagkabasag ng mga kasangkapan sa loob ng tahanan ng mga Gomez nang walang kahirap-hirap na ibinalibag ni Henry si Hera sa malaking estante. Napatili naman si Mercy habang nakatakip ang mga kamay sa tainga. Sa tabi naman nito ay si Simeon na duguan na ang mukha matapos suntukin ng isa sa mga kasama ni Henry nang ilang beses. Nakaluhod ito at hawak ng dalawang taong-lobo sa magkabilang balikat. Sa isang gilid naman ng salas ay nakabulagta ang isang taong-lobo na wala ng buhay dahil sa binaril ito kanina ni Simeon nang nagtangka itong sugurin si Hera.Pagkabagsak, dumura ng dugo si Hera nang malasahan niya ang sarili niyang dugo nang tumama ang kaniyang mukha sa estante. Tanggal ang isa niyang ngipin sa gilid sa lakas ng impact nang pagtama niya sa estante. Matalim ang mga titig na nilingon niya si Henry. Hindi pa rin maalis-alis ang ngisi nito sa labi habang nakatitig sa kanilang tatlo.Dinampot ni Henry ang basag na picture frame sa sahig. Tumawa siya nang makitang fa