Chapter 37

DRAKE:

Papasok pa lang ako ng pinto ng bahay ni kuya Cris, ng marinig ko siya na nagsalita. Marahil kausap niya si Devon, nakita ko ang sasakyan ng nakababata kong pinsan sa labas.

"Hindi ko nga alam kung paano ko ipapaliwanag kay Drake ang lahat," tinig iyon ni kuya Cris. Hindi muna ako nagpakita sa kanila.

"Pero paano mo nalaman?" tanong ni Devon.

"Matagal na.. bago pa lang iuwi si Janella ng magulang niya sa abroad, alam ko na.." naririnig kong humihigop siya ng kape.

"So, ang akala ni kuya Drake, patay na si Janella? yun din ang akala ng lahat!" sagot ni Devon, "bakit ka naman naglihim sa amin?"

"Ang magulang ni Janella ang nakiusap sa akin," tugon ni kuya Cris.

"Bakit ngayon, ipinapaalam mo na sa amin?"

"Nalaman ko buhat sa isang kaibigan, na namatay ang magulang ni Janella, bumalik siya ng Pilipinas.."

(Buhay si Janella?) sabi ko sa aking sarili.

"Hoy, Drake!" ginulat ako ni kuya Luis, "anong ginagawa mo diyan at para kang nanunubok na bakla?"

"Oo nga, hindi mo man lang kami nar