Chapter 54

JUSTINE:

Tinititigan ko si Blake, habang mahimbing na natutulog. Iniisip ko pa rin ang sinabi ni Lizbeth, na kung hindi tatay, ay isang kapatid ng magliligtas dito, ngunit ang kapatid na iyon dapat, ay iisa rin ang ama.

Mukhang mapipilitan akong lumapit sa mga Sanchez, dahil parang hindi ko makakausap ng matino si Drake. Nakita ko ang galit sa kanyang mga mata, noong makita ako nung nakaraang araw.

"Ma'am?" kumatok si Alexa, ang aking secretary, "yung mga pipirmahan niyong papeles, ready na.."

"Sige, susunod na ko," tinanguan ko pa siya, "Lena, pakibantayan na muna si Blake," pakiusap ko sa nurse ng aking anak.

"No worries, Justine, akong bahala sa kanya," ngumiti pa siya sa akin.

May mga folders sa aking table. Inisa isa ko iyong tingnan, at nanlaki ang aking mga mata, sa nakitang isang proposal!!

Nais mag invest ni Drake Sanchez sa ospital! Ngunit hindi naman ako nag open para sa investors. Alam kaya niyang ako ang may ari nito?" napahawak ako sa aking noo. Imposible!