Kabanata 19.2

“Okay, action!” sigaw na ni Harry. Nagsimula na sila sa acting nila, hindi pa naman pumapasok si Layla sa eksena dahil mamaya pa ang eksena niya. Nagpatuloy ang palitan nila ng mga linya pero natigil na lang sila nang may bumato ng itlog kay Scarlett. Hindi pa natapos ang lahat dun, napadaing na lang si Scarlett nang tamaan siya ng bato sa noo.

“Scarlett!” sigaw ng mga kasama niya, mabilis na lumapit si Jared kay Scarlett at niyakap ito para saluhin ang mga ibinabato kay Scarlett.

Sinubukan ng mga staff na patigilin ang mga nanunuod pero wala silang magawa lalo na at kakaunti lang naman sila. Hindi nila akalain na magiging ganito kahirap ang taping nila sa Pilipinas. Napapahilot na lang si Harry sa sintido niya dahil paano sila matatapos nito? Sayang na naman ang oras.

“Are you okay? Medic please!” sigaw ni Jared nang maiupo niya si Scarlett. Hinawakan ni Scarlett ang noo niya at may dugo na. Tipid siyang ngumiti, titiisin niya ang lahat hanggang sa mapatunayan niyang naset up lang si