Kabanata 21.1

Umuwi si Scarlett nang hindi maganda ang mood niya. Sino bang matutuwa sa mga nalaman niya? Gusto niya nang sabunutan si Layla, maramdaman niya ang lahat ng mga naramdaman ni Scarlett noon pero hindi pa niya magawa dahil kulang pa siya sa mga ebidensya.

Naging tahimik naman na ang mga usap-usapan sa social media tungkol kay Scarlett. Wala man siyang maituturing na kakampi niya sa laban na ito, wala siyang aatrasan kahit na sino. Napahilot na lang siya sa sintido niya nang maalala niya na naman ang matandang lalaking nakausap niya sa coffee shop.

Hindi niya na alam kung sino ba ang mga kalaban niya rito, gusto niya lang ituon ang buong atensyon niya sa paghahanap ng katotohanan tungkol sa mga nangyari sa kaniya sa nakalipas na taon pero bakit may dumadagdag na problema?

Nagtungo ng kwarto niya si Scarlett at binuksan niya ang laptop niya. Gusto niyang makompirma kung sino ba talaga ang nakausap niya sa coffee shop. Sinearch niya ang personal information ni Zion, ang family backgr