Chapter 6 (Part 2)

Continuation...

Tama. Para iyon sa bomba. Dahil ilang segundo lamang matapos nyang ipakita sa akin ang remote ay mayroon syang ipinindot doon dahilan ng pagsabog ng kotse ko.

I froze. At. that. damn. fucking. place. Hindi ko inaasahan iyon. Akala ko'y takot na ako kanina nang magpakita sya pero ngayon pa lang pala iyon lumabas.

Tumulo ang luha ko kasabay ng pag-hapdi ng aking binti. Nanginginig, nilingon ko iyon. It's bleeding. Patuloy ang pag-agos ng dugo at kataka-takang hindi ko iyon napansin. Siguro sa biglaang pagtarak nalang nitong bubog dahil sa pagsabog? O sa nangingibabaw na takot ngayon sa akin?

Hindi ko alam–mali, alam ko. Alam na alam ko ang lahat. Pero ayaw lang talagang tanggapin ng buong sistema ko na hanggang dito na lang talaga ang lahat.

Lahat ng sakripisyo, tawa, iyak, alaala–dito na lamang lahat matatapos. Dito ko maibabaon at iiwanan.

Sa lugar na ito... sa harap ng lalaking ito.