Kabanata 109

GWIN POV

Umakyat lahat ng dugo ko sa ulo nang makita si Mitch na nagpupumiglas habang hawak ng dalawang pulis. Alerto naman ang iba sa tabi nila.

Pakiramdam ko, para akong bomba na sasabog sa galit nang marinig ko ang sinabi niya. Kumulo ang dugo ko na nagpabilis sa paglalakad ko papunta sa kanya pero si Fred, todo pigil naman na 'wag ako makalapit sa babaeng baliw na kaharap namin ngayon.

"Nanay mo?" gigil kong tanong. Kahit nanginginig ang buong kalamnan ko sa galit, nagawa ko pa rin siyang duruin kahit hindi ko na halos maangat ang kamay ko. Gusto ko pa nga siyang sugurin at kaladkarin pabalik sa kulungan.

Ang takot at pag-aalala na naramdaman ko kanina habang papunta kami rito ay nawala na. Napalitan ng poot at galit nang makita ko si Mitch.

Kung hindi lang ako hawak ni Fred ngayon, talagang sinugod ko na si Mitch. Nadagdagan ko na ang mga pasa at sugat sa mukha niya.

Gusto kong balatan ang makapal niyang mukha, baka sakaling tablan ng hiya sa pinagsasabi niya.

"Ang kapal mo,