Kabanata 64

"Teka nga lang, Fred." Nilapat niya ang mga palad niya sa dibdib ko. "Masyado ka namang hot." Kagat niya na rin ang pang-ibabang labi matapos sabihin 'yon pero ang mga mata, namumungay gaya ng sa akin. Para kaming mga lasing; lasing sa pagmamahal.

"Dati pa naman akong hot, ngayon mo lang ba napansin." Hawak ko na ang mga kamay niya at pinulupot iyon sa baywang ko.

"Hindi lang pansin kitang-kita pa ng dalawang mata ko. Kapal ba naman ng mukha mong humarap sa akin na lantad ang katawan mo." Napabungisngis siya. Lalo ko namang diniin ang katawan ko sa kanya. Sinabayan ko na rin ng kunting hagod.

"Gano'n talaga, kapag may ibubuga—"

"Hindi ka rin mahangin 'no?"

"Talagang hindi, sabi mo nga ang hot ko, hindi ba? 'Tsaka, kita naman ang ebidensya." Nilingon ko si Widmark. "Ang gwapo at ang cute ng obra natin." Haplos ko na naman ang pisngi niya, saka marahan kong nilapat ang labi ko sa puno ng tainga niya. "Kaya gawa na tayo ng isa pang obra." Pinahangin ang pagsasalita ko. Halos kapusin na