Kabanata 78

Nanlamig ang buong katawan ko nang marinig ang sinabi ni Mitch. Kita ko pa na halos matumba si Daddy dahil din sa pagkabigla.

Hindi ko inaasahan na ito pala ang plano ni Mitch, kaya ilang buwan din siyang nanahimik.

"Sorry ... sorry, Gwin—" Pag-iling lang ang tugon ni Gwin.

Nanginginig ang kamay niya habang punas ang mga luhang pipinilit niyang pigilan.

Yakap na rin nila Mommy at Daddy si Widmark. Ang laking kahihiyan ng nangyayari ngayon. Hindi lang ang business namin ang masisira at maapektuhan, lalo na ang mga buhay namin.

"Mitch! Pinagsasabi mo?" Bumaling ang tingin ko kay Brent. Karga niya ang batang sinasabi Mitch na anak ko. "Anong apo nila?" naguguluhang tanong nito.

Hawak na rin niya ang braso ni Mitch at akmang kakaladkarin palabas.

"Let go of me, Brent!" Winaksi niya ang kamay ni Brent at tinulak ni ito. Binaba ni Brent ang bata at muling hinarap si Mitch

"Akala ko ba, masaya ka para kay Gwin at Fred, kaya nga tayo narito para congratulate sila, di' ba? Ano 'tong ginag