Kabanata 77

Ilang buwan na ang lumipas matapos magpakita sa amin si Mitch, dala ang bata na sinasabi niyang anak ko, at simula ng araw na 'yon, hindi na siya bumalik o nagpakita pang muli.

Tuloy ang masayang buhay kasama ang mag-ina ko. Hindi na rin natuloy ang plano ng pinsan ko, at ni Tonyo na kuhanan ng sample ang bata para sa gagawing DNA.

Hindi kasi ako pumayag sa gusto nila. Kaya hindi na rin sila nagpupumilit.

Ayoko kasing bigyan ng dahilan si Mitch na lalo kaming guluhin ni Gwin dahil sa paglapit ko sa kanila, makakuha lang ng sample.

Siguro, natauhan na rin ang babaeng 'yon. Na realize niya, na hindi na nga ako ang dating Fred na kaya niyang utuin, paikutin at kayang gawing tanga. Kaya kusa na lang siyang tumahamik at hindi na nanggulo.

"Fred ..." Malambing na boses ang nagbalik sa diwa ko na kung saan-saan na nakarating.

Pero imbes na lambing din ang tugon. Simangot ang naging tugon ko. Paanong hindi ako sisimangot?

Ang ganda kasi ni Gwin, sa suot niyang black deep v-neck gown na ang