Chapter 118

CHAPTER 118

Tahimik lamang naman sa byahe ang mag amang Vin at Leonard. Halos kalahating oras rin kasi ang maging byahe nila papuntang simbahan. Magkakasunod lamang din naman ang mga sasakyan nila at nasa hulihan nga ang sinasakyan nila Vin.

"Sorry anak kung nararanasan mo eto," pambabasag ni Leonard sa katahimikan nila ni Vin. Napalingon naman si Vin sa kanyang ama at hinintay pa nya ang kasunod netong sasabihin.

"Pasensya ka na anak dahil alam ko naman na ako ang dahilan kung bakit nangyayari sa iyo ang lahat ng eto ngayon. Sorry anak," hinging tawad ni Leonard sa kanyang anak na si Vin. Simula kasi ng maaksidente si Vin ay binabagabag na sya ng kanyang kunsensya dahil sa naging padalos dalos ang kanyang desisyon na pumayag sa gustong mangyare ni Mr. Sanchez. Hindi nya rin magawang magalit sa kanyang asawa dahil tama naman lahat ng sinasabi neto na kasalanan nya kung bakit eto nangyayare kay Vin.

Napabuntong hininga naman si Vin bago nagsalita. "Wala na rin naman po tayong magagawa