CHAPTER 28

Habang papalapit sila Michael sa bahay nila Klarisse ay siya ring pagbilis ng kabog ng puso niya. Kinakabahan siya kung ano ang puwedeng mangyari kapag nagkita sila Michael at ang magulang siya. Ayaw niyang may mangyaring masama.

Mula sa rearview mirror ay napatingin siya kay Eros na katabi si Honey. Nag-uusap ang dalawa sa likuran habang nagtatawanan. Pero sa kabila ng masayang mukha ng pulis ay may pakiramdaman si Klarisse na hindi magiging maganda ang unang pagkikita nila ng mga magulang makalipas ang limang taon.

“It was so stupid of me not to think about it for the longest time.”

Napalingon si Klarisse kay Michael na siyang nagsalita. Hindi siya nakasagot dahil hindi niya alam kung ano ang ibig sabihin ni Michael.

“You don’t have to worry about anything, Klara. You know me, right?” Wala sa sariling tumango si Klarisse. “That’s why I am telling you to calm down. Kung ano man ang iniisip mo, hindi iyan mangyayari.”

“W-wala naman a-akong iniisip na i-iba,” pagkakaila pa niya, ka