CHAPTER 11—Cook for him

FAYE

“Faye, marunong ka bang magluto?” Tanong ni Sebby. Medyo natatandaan ko na ang karamihan sa kanila. Mababait silang lahat kahit na kakakilala lang namin.

Hindi ito ‘yung tipo na hindi nagpapansinan tapos kahit na hindi sa kanila nakatoka ang lahat, nagtutulungan pa rin.

Mabilis akong makabasa sa mata ng isang tao kung ayaw sa akin o hindi, pero wala namang ganun rito.

“Oo, buhay may asawa ako dati,” sagot ko. Naalala ko pa kung paano ko ipagluto si Rome. Ako pa mismo ang naghahanda at madalas sinusubuan ko siya.

Ang sweet-sweet namin araw-araw, para kaming mga bata na nagliligawan lang. Madalas tinu-toothbrushan niya ako, ganun din siya.

Palagi niya ring sinasabi na ang luto ko lang ang paborito niya, wala ng iba. Palagi niyang pinupuri ang mga luto ko at mas lalo niya raw akong minamahal dahil masarap daw ang luto ko.

Sabi niya kasi nati-turn on siya at na-aattract kapag magaling magluto ang isang babae.

“Talaga? Pwedeng makisuyo ako? Masakit ‘yung ulo ni Ateng Kiray, hin