Chapter 33 - Ang Muling Pagkikita

Rhian's Point of View

"Blake, ikaw na muna ang bahala sa anak ko." Nahihiya kong saad sa lalaki.

Inihatid ko ang aking anak sa bahay ni Blake. Sa kanya ko muna iniwan si Zane para may kasama ang anak ko.

Ngayon gaganapin ang Fashion Night. Wala akong mapag-iiwanan kay Zane kaya nakiusap ako kay Blake na kung pwede doon muna ang aking anak.

"Huwag kang mag-alala, ako ng bahala sa anak mo. Basta mag-iingat ka."

Nginitian ko naman si Blake bilang pasasalamat. Binalingan ko ang aking anak.

"Behave ka lang dito ah! 'Wag maging pasaway kay tito Blake." Paalala ko sa aking anak. Mabuti na lamang at sana'y na ito kay Blake.

"Yes, mommy. Ingat ka doon, mommy! Huwag kang mag-iinom ng alak!" Parang matanda naman ito kung pagsabihan ako.

"Opo, boss!" Natatawa kong tugon.

"Mommy, ayaw ko nang maglinis ng pinagsukahan mo!" Nakanguso saad ni Zane.

Nahiya naman ako dahil pinaalala na naman niya noong minsan akong umuwi na lasing galing trabaho. Nagkayayaan ang mga kasama ko na mag bar. Pag-uwi ko ay