Kabanata 41: Unexpected

Panibagong linggo ang dumaan, tambak ang naging gawain ko ngayon sa trabaho kaya naman bagsak na ang aking mga balikat. Kinuha ko ang susi ng bahay, ngunit nagtaka ako kung bakit nakabukas na ito. Pagbukas ko ng pintuan at paghakbang ko papasok ay nagulat ako ng makita ang mga tao na hindi ko inaasahan na narito.

"Ma? Pa?" Kinusot ko pa ang aking mga mata, ngunit napamulat din ako kaagad ng maramdaman ko ang yakap nila sa akin.

"W-What are you doing here? I mean, bakit hindi niyo ako sinabihan na uuwi pala kayo rito sa Pilipinas?" gulat pa rin na tanong ko sa kanila. Nang magtama ang aming mga mata ni Mama ay nakita ko ang paga-alala roon. Muli niya akong yinakap ng mahigpit.

"Nagpupumilit ang Mama mo, ako rin naman ay sinamahan ko na siya pauwi, dahil gusto ka namin makausap," saad ni Papa. Umupo muna kami sa may sofa, ibinaba ko ang aking mga gamit.

"Dianna, we are so worried about you. Nabalitaan na rin namin ang mga nangyayari rito, lalo na iyong naganap sa grand party ni Mr. Sua