Chapter 67

SHAINA

Ngumiti sa akin si Kuya Alfred pagkakita s aming dalawa ni Jacob na boyfriend ko na magkahawak-kamay. Binati pa nga niya ako at ganoon naman ang ginawa ko.

"Ang ganda mo po, Ma'am Shaina. Mas lalo ka pong gumanda ngayon na nakaayos ka," nakangising sabi ni Kuya Alfred sa akin. Natigilan ako ng tawagin niya akong Ma'am Shaina. Bakit niya ako tinatawag na Ma'am Shaina? Hindi naman ganoon ang tawag niya sa akin dati. Shaina lang naman. Nakapagtataka nga lang na ganoon na ngayon ang tawag niya sa akin. Ano ba ang nakain niya at tinatawag na niya akong Ma'am Shaina ngayon?

Nginitian ko siya at nagsalita, "Maraming salamat po, Kuya Alfred." Nakangiti rin siya sa akin.

"Walang anuman po 'yon, Ma'am Shaina. Maganda ka naman po talaga kahit Wala kang makeup," sagot niya sa akin na nakangiti. Huminga ako nang malalim bago nagsalita muli sa kanya.

"Kuya Alfred, ano po ba ang nakain mo ngayong araw na 'to?" malumanay na tanong ko sa kanya at napakunot-noo siya.

"Kumain lang ako ng kanin n