Chapter 73

SHAINA

"Buntis ako..." maikling sabi niya sa amin dahilan upang mamilog ang dalawang mga mata namin ni Ma'am Camille sa sinabi niyang 'yon. Umawang pa ang mga labi naming dalawa. "Buntis ako at 'yon ang nais kong sabihin kay Jacob. Iyon ang importanteng sasabihin ko sa kanya."

Nagkatitigan kaming dalawa ni Ma'am Camille matapos namin na marinig 'yon kay Isabel. Napamura pa nga ako sa isip ko. Buntis siya? Sino ang ama ng pinagbubuntis niya?

"A-ano? Ano'ng sinabi mo, Isabel? Buntis ka, huh?" nakaawang ang mga labi na tanong ni Ma'am Camille sa kanya. Tumango naman kaagad siya sa aming dalawa ni Ma'am Camille at nagsalita, "Oo. Buntis nga ako. Anim na buwan na akong buntis. Hindi lang halata kasi maliit ang tiyan ko."

Wala akong masabi sa kanya sapagkat hindi ko alam ang sasabihin ko sa totoo lang. Kung totoong buntis siya, sino ang ama ng pinagdadala niya? Huwag niyang sabihin na si Jacob na boyfriend ko ang ama ng pinagdadala niya. Siguradong magagalit ako at hindi ko alam ang magaga