Chapter 75

SHAINA

Hinawakan ni Ma'am Camille ang mga kamay ko bago siya nagsalita sa akin. Ramdam ko rin ang simpatya niya para sa akin. Wala akong magagawa kung nangyari nga 'yon na nabuntis ni Jacob si Isabel. Ang hindi ko lang matatanggap ay ang pagsisinungaling niya sa akin. Hindi siya nagsabi ng katotohanan sa akin.

"Shaina, kung ano man ang mapag-usapan n'yong dalawa ni Jacob mamayang gabi ay sana ay magkaintindihan kayong dalawa. Tapos na 'yon, eh. Nangyari na. Nabuntis na niya si Isabel at hindi na natin mababago pa 'yon, 'di ba? Ang kailangan lang talaga ay ang makapagpaliwanag si Jacob sa 'yo mamaya tungkol dito. Magkasintahan pa rin kayong dalawa, remember? May relasyon kayo at iba ang nangyari dati sa nangyayari ngayon sa inyong dalawa. Masaya kayong nagmamahalan. Am I right?" sagot ni Ma'am Camille sa akin.

Mapait na tumango ako sa kanya at nagsalita, "Sana nga po ay magkaintindihan kaming dalawa sa kung ano man ang mapag-uusapan namin mamaya. Maraming salamat sa sinabi mo, Ma'am Ca