Kabanata Tatlumpu

Napansin ni Anya na medyo hapis ang pisngi ng binata bakas sa mukha na may dinaraing na suliranin. Ang mga tumutubong pinong mga balahibo sa mukha ay tila hindi na nito napagkaka-abalahang ahitin. Kumislap ang mata nito nang makita siya.

“Clark?” Mabilis siyang pumaloob sa sasakyan nito. Mabilis na kinabig siya ng nobyo at niyakap nang mahigpit. Kakatwang wala siyang maramdamang galit para rito o kahit konting pagtatampo man lang. Hinagkan siya ng binata sa mga labi. Naipikit niya ang mga mata nang madama ang init ng halik nito na ilang linggo rin niyang pinangulilaan.

“ I have missed you, “samo ni Clark sa kanya.

Oh God, she missed him too.

Saglit na natigilan si Clark pagkuwa’y mataman siyang tinitigan sa mga mata.

“Anya, hindi ko pinasisinungalingan ang mga balita,” seryosong wika ng kasintahan.

Napasinghap siya. Pakiramdam niya anumang oras ay huhulagpos ang mga luhang kanina pa niya pinipigilan. Maagap siyang kinabig muli ni Clark.

“Oh no, baby, please don’t cry. It'