Chapter 287

TREXIE POV

"Malapit na tayo! Kaunting tiis na lang best friend. Ayy nakakakilig naman! Ingit tuloy ako!" narinig ko pang bigkas ni Denise habang patuloy kami sa paghakbang. May pagka lukaret talaga ang babaeng ito. Hindi ko alam kung ano itong mga pakulo niya. Ang dami niyang alam eh kakain lang naman sana kami ng dinner kaya niya ako niyayang lumabas.

"Denise ha? Kung anu-ano na itong ginagawa mo sa akin. Kaunti na lang talaga at makukurot na kita sa singit!" hindi ko maiwasang bigkas. Humigikhik lang ang bruha na parang tuwang tuwa sa mga kalokohan na ginagawa niya. Hindi ko naman maiwasan na mapabuntong hininga ng malakas.

Kung alam ko lang na ganito ang gagawin sa akin ni Denise hindi na sana ako sumama sa kanya eh. Ang daming pakulo sa buhay.

"Nandito na tayo. Tatangalin ko ang piring sa mga mata mo pero huwag ka masyadong kiligin ha and dont forget na malaki ang naiambag ko sa celebration na ito." muling wika niya. Hindi ko tuloy malaman kung ano ang magiging reaction ko