Chapter 0008.

Pagod na sa kakalakad si Jaymee sa labas ng mansyon. Pero wari niya ay hindi niya marating ang gate. Napapakamot sa ulong napatingin siya sa orasan niyang pam-bisig. 7:30 na ng umaga, kapag umabot pa siya ng alas-otso dito ay malamang male-late na siya.

Inis niyang inayos ang pagkaka-sukbit ng backpack niya sa balikat. Bakit kasi ang layo-layo ng gate? Napaka-haba pa nitong espaltadong pathway na nilalakaran niya. First day of school at ayaw niyang ma-late.

May mga golf cart na dumaraan, paminsan-minsan. Tinatanguan pa nga siya ng mga ito. Siguro bisita ng Don, pero hindi naman niya pinapansin.

Kunot na kunot na ang noo niya dahil sa init ng araw na tumatama sa mukha niya. Hindi pa naman ganoong ka-tanghali pero sa panahon ngayon ay masakit na talaga sa balat ang sinag ng araw, literal.

Bubulong-bulong pa siya sa inis nang biglang may tumigil na big bike sa harapan niya, kaya naman bigla rin siyang napa-hinto sa pag-lakad.

Ducati o BMW? Ah basta, big bike yun!