Chapter 66

HALOS MANLAKI ANG mga mata ni Veron sa gulat nang ipakilala ni Mr. Thurn ang estrangherong biglang sumipot sa harapan nila kanina. Halos mamilog ang kaniyang mga mata at labi sa labis na gulat nang banggitin nito ang code name ng taong kanina pa niya hinihintay.

‘I heard it, right? Is he really Agent Blue?’ hindi makapaniwalang tanong ni Veron sa sarili.

Sa tinagal-tagal ng komunikasyon nila ni Agent Blue, ni minsan ay hindi niya pa ito nakita nang harapan. Ang alam lang niya ay isa ito sa mga pinagkakatiwalaang secret agent sa Gem Secret Agency Association at hindi naman lahat ng taong namumuno sa asosasyong iyon ay kilala niya. Mahigpit ang ginagawa ng mga namumuno hinggil sa pagtatago ng seguridad at pagkatao ng mga importanteng tao sa loob ng ahensyang iyon. Kung madali lang gawin iyon, marahil ay matagal na niyang nagawa. Ngunit hindi magiging madali ang lahat hanggat wala siyang nakukuhang kasama at katuwang upang magkaroon ng kaalaman hinggil sa mga bagay-bagay sa loob ng asosa