CHAPTER 13

PAGLABAS NI AMANDA sa kuwarto ay dinatnan niya sina Genis at Wendy na nasa hapag kainan. Hindi nakaligtas sa kanya nang pasadahan siya ng tingin ni Wendy, umangat ang isang kilay nito ngunit hindi nito naikubli ang selos sa mga mata nito habang tinitingnan ang kagandahan niya. Palihim siyang napangiti.

Nahuli rin niyang bahagyang natigilan si Genis, at ewan kung namamalikmata lang siya or nakita talaga niya ang piping pananabik sa mga mata nito nang tingnan siya. Pero pagkatapos ay muling nabalik sa pormal ang anyo nito saka hinarap ang pagkain.

Si Wendy naman ay tila nanadya pang ipakita ang pagiging malambing kay Genis. Nilagyan pa nito ng pagkain ang pinggan nito, “Kumusta ang luto ko, ang sarap, hindi ba?” saka nilingon siya, “Pwede bang umalis ka dito, naalibadbaran ako sa pagmumukha mo!” bulyaw nito sa kanya.

Hindi siya kumibo.

Tumayo si Wendy, “Nakikipagmatigasan ka ba sa akin, ha? Baka akala mo ipagtatanggol ka ni Genis?” Ni