CHAPTER 76

PAGPASOK NI GENIS sa kanyang resto bar ay namataan kaagad niya si Tom na mag-isang nilulunod ang sarili sa alak. Nilapitan niya ito, naapangisi ito nang makita siya, halatang lango na sa alak ang mukha nito, “Genis, buti nandito ka,” sabi nitong itinaas ang isang kamay para tawagin ang waiter at nagpakuha ng isang baso.

Sinalinan nito ng alak ang basong iniabot sa kanya, “Cheers!” anitong itinaas ang hawak na baso, “Alam mo bang hiniwalayan na ko ni Amanda?” May pait sa tonong balita nito sa kanya. Nagulat siya sa sinabing iyon ni Tom.

Walang nababanggit si Amanda tungkol sa pakikipaghiwalay nito kay Tom. Alam niyang hindi maganda pero parang ang saya-saya niyang malaman na wala na ang dalawa ngayon. Napatungga tuloy siya ng alak. Waring gustong magbunyi ng puso niya.

“Ayoko mang aminin, pero nararadaman kong ikaw pa rin ang mahal niya!” Malungkot na sabi nito sa kanya, “Ginawa ko ng lahat para makalimutan ka nya but I guess, mahira