CHAPTER

“CANCER?” Ilang beses napakurap si Amanda habang nakikinig sa kwento ni Tom. Bigla ay naisip niya si Genis. God, paano tinatanggap ng lalaki ang kalagayang iyon ni Carina? Alam niya kung gaano nito kamahal si Carina kaya tiyak niyang nahihirapan itong makita ang pinagdadaanang iyon ng babae.

Ngunit naisip niyang maswerte pa rin naman si Carina dahil kasama nito at nasa tabi lamang nito ang lalaking mahal nito.

“Kaya nga gusto gusto na rin nilang maayos ang annulment papers ninyo para makapagpakasal sila sa lalong madaling panahon,” sabi pa ni Tom. At ewan ba niya kung bakit kahit na di naman kataka-taka iyon ay pakiramdam niya ay may matalas na bagay pa rin ang humiwa sa kanyang dibdib.

Kanina ngang nakikita niya kung paanong mag-asikaso si Genis kay Carina ay pinapatay siya ng selos na nararamdaman. Alam niyang masasaktan ng husto si Genis sa oras na may mangyaring masama sa babae.

Hinawakan ni Tom ang isang kamay niya at dinala n