THE CALL

KATATAPOS lang ng promotional guesting ni Tori kasama si Everett sa isang kilalang afternoon talk show nang makatanggap siya ng tawag mula sa kapatid ni Taj na si Georgia.

Nangunot ang noo ni Tori. Ito kasi ang unang pagkakataon na tinawagan siya ng babae.

“Hello,” bungad ni Tori pagkatapos niyang pindutin ang answer call.

Isang nagpa-panic na tinig ni Georgia ang kaagad na bumungad kay Tori. Napuno ng kaba ang puso lalo na’t tila nahuhulaan na niya kung tungkol saan—o mas tamang sabihin na kanino ang tawag ng kapatid ni Taj.

“Si Hajie, Ate…”

Nahigit ni Tori ang kanyang hininga nang bangitin ni Georgia ang pangalan ng anak niya. Humigpit ang pagkakahawak niya sa tangang cellphone.

“What happened?” tanong niya sa mahinang tinig. Pilit din niyang kinakalma ang kanyang sarili at kaagad na sinenyasan si Jessa.

“Isinugod siya ni Kuya sa hospital—”

“Ano nga ang nangyari?!” may diin sa tinig na putol ni Tori sa iba pang sasabihin ni Georgia.

“Bigla na lang siyang nahirapang makahinga—ay, h