THE PAIN THAT I HAVE TO ENDURE

“WHAT IS HE DOING HERE, MAMA?” bakas ang pagkalito sa anyo na untag ni Hajie sa ina.

Gumuhit ang isang malapad na ngiti mula sa magkabilang sulok ng ga labi ni Tori. Lumuhod siya sa harapan ng anak para magpantay sila. Katulad ng madalas niyang gawin ay inayos niya ang buhok nito na muling nagulo. Tinitigan niya si Hajie saka niya hinawakan ang magkabila nitong kamay.

“Uhm, love, he is here because,” simula ni Tori na sandali pang tumigil para tumikhim. Nilingon din niya si Taj na nakatayo pa rin malapit sa pinto. Nginitian niya ito nang mapansin niya ang pangamba sa anyo nito saka siya muling tumingin kay Hajie. “sweet cake, he is your father.” deretsong turan niya sa anak. Hindi niya inalis ang mga mata rito dahil gusto niyang makita ang magiging reaction ni Hajie.

Umiral sa loob ng apat ng sulok ng silid ang katahimikan. Hawak pa rin ni Tori ang maliliit na kamay ni Hajie habang si Taj naman ay nabitin yata ang paghinga. Pakiramdam niya ay biglang tumigil sa pag-ikot ang mundo ni