Chapter 41

"Hindi po ako magkaka-interes sa magiging anak ko. Hindi nangangahulugan na nag-donate ako ng semilya sa kanya at nagkaroon kami ng anak na dalawa ay magkaka-interes na ako sa bata. Hindi 'yon ganoon, hindi ko gagawin 'yon. Tumutulong lang naman ako sa kanya at hanggang doon lang 'yon. Wala po 'yon sa kasunduan namin na magkaka-interes ako sa magiging anak namin. Sooner or later ay magkakaroon rin po ako ng sariling pamilya. Magkakaroon po ako ng anak sa babaeng mapapangasawa ko. Kailanma'y hindi ko na po pakikiaalaman pa o pagkakainteresan ang magiging anak namin kahit sabihin na galing ang batang 'yon sa akin. Wala na po 'yon sa akin pagkatapos ng lahat ng 'to,'' paliwanag ni Martin sa kanila lalo na sa ina ni Andrea na nais na marinig 'yon na sagot niya. Habang sinasabi 'yon ni Martin ay hindi maiwasan ni Andrea na hindi makaramdam ng kirot sa puso niya na hindi niya malaman kung bakit ganoon. Siguro dahil sa siya lang ang mag-isang bubuhay sa magiging anak niya. Nand'yan naman ang