Chapter 96

"Where's your husband, anyway?" tanong ni Doc. Ramirez kay Andrea makalipas ang ilang minuto. Hindi pa rin siya makapaniwala sa kanyang narinig na sinabi ng doctor. Buntis na nga siya. Inunahan ni Gretta na magsalita ang kaibigan niya na si Andrea sa tanong na 'yon ni Doc. Ramirez dahil sigurado siya na hindi alam nito kung ano ang isasagot sa tanong na 'yon.

"Nasa abroad po ngayon ang asawa niya kaya hindi po siya nasamahan ngayon dito sa clinic n'yo po kaya ako na lang po ang sinama niya. Magkakilala naman po tayong dalawa, Doc," sagot ni Gretta kay Doc. Ramirez bilang dahilan niya. Ayaw naman niya na sabihin kay Doc. Ramirez ang totoo kaya nagsinungaling na lang siya. Tumango-tango si Doc. Ramirez pagkasagot ni Gretta sa kanya. Naniwala naman ito sa kasinungalingan na 'yon.

"O, talaga ba? Wala pala ang asawa mo ngayon kaya sinamahan ka na lang ng kaibigan mo," sabi ni Doc. Ramirez na tumingin muli kay Andrea na pilit naman na tumango sa harap niya.

"O-opo, doc. Nasa abroad po nga