Chapter 98

Pinaalam na ni Andrea sa kanyang mga magulang ang tungkol sa pagbubuntis niya. Tuwang-tuwa naman ito nang malaman nila 'yon. Walang inilihim si Andrea sa harap ng mga magulang niya. Lahat niya sinabi kahit ang tunay niyang nararamdaman para kay Martin. Hindi naman nagtaka pa o nagulat ang mga magulang niya matapos niyang sabihin 'yon. Expected na 'yon ng mag-asawang sina Merla at Roberto. Bago nagsalita ang isa sa mga magulang niya ay nagkatitigan muna ito.

"Ang mahalaga ngayon ay magkakaroon ka na ng baby, Andrea. Magkakaroon na naman kami ng panibagong apo ng papa mo. Mahal mo nga siya ngunit ang problema ay hindi ka naman niya mahal. Hindi ka naman niya gusto, 'di ba? Wala tayong magagawa kundi tanggapin kung ano lang ang mayroon tayo dahil mahirap maghanap ng wala. Kung ano'ng mayroon tayo ay maging kuntento na tayo. Mahirap naman na maghahangad tayo ng wala, 'di ba? Baka sa paghahangad pa natin ay mas lalong mapasama tayo o kaya ay malagay sa hindi magandang sitwasyon. Hindi nama