Chapter 97

Tahimik lang ang magkaibigan na sina Andrea at Gretta na naglalakad palayo sa clinic ni Doc. Ramirez. Pinakiramdaman lamang ni Gretta ang kaibigan niya na mukhang malayo ang iniisip. Sigurado siya na iniisip nito ang sinabi ni Doc. Ramirez na buntis na nga siya at ang lalaking tinitibok ng puso nito na walang iba kundi si Martin. Halu-halong emosyon ang nararamdaman nito.

"Ayos ka lang ba, Andrea?" malumanay na tanong ni Gretta sa kaibigan niya na si Andrea. Tumigil sila sa paglalakad at humarap sa isa't isa. Kitang-kita ni Gretta ang lungkot sa mga mata ni Andrea kahit nalaman nilang dalawa na magkaanak na siya. Alam ni Gretta kung bakit malungkot ito ngayon.

Napanguso si Andrea sa tanong niya. Ilang minuto muna ang lumipas bago ito nagsalita sa kanya. Nagpakawala muna ito ng malalim na buntong-hininga.

"Ayos lang naman ako, Gretta. Mukha ba akong hindi ayos ngayon, huh? Ano ba'ng napapansin mo sa akin ngayon?" tanong ni Andrea kay Gretta na seryosong tinitigan siya sa mga mata. Hina