Chapter 105

Pagkapasok na pagkapasok ni Andrea sa loob ng kompanya na pinagtatrabauhan nila ay napansin niya ang lahat ng mga empleyado na nakatingin sa kanya na para bang may binubulong-bulong ito tungkol sa kanya. Nakaramdam siya ng pagbilis ng tibok ng puso niya at medyo kinakabahan siya. Patuloy lang siya sa paglalakad patungo sa elevator. Hinayaan na lang niya ang mga ito.

Nang makapasok siya sa loob ng opisina ng department nila ay ganoon rin ang nangyari. Pinagtitinginan rin siya ng mga katrabaho nila kagaya sa baba. Nagtaka na siya sa kanyang mga napapansin. Mukhang may something na nangyayari na kailangan niya na malaman. Pagkakita ni Gretta na kaibigan niya sa kanya ay mabilis na tumayo ito at hinawakan ang kamay niya. Iginiya siya nito sa may gilid kung saan walang nakakakita sa kanilang dalawa na nag-uusap. Tinapunan niya nang nagtatakang tingin si Gretta bago siya nagsalita dito.

"Bakit mo ako dinala dito? Ano ba'ng nangyayari, huh? Napapansin ko lang na sa akin lahat nakatingin ang