Chapter 108

"E, kung hindi si Andrea ang nagpakalat ng balitang 'yon ay sino ang tunay na may gawa, huh? May maituturo ba kayong ebidensiya na hindi siya 'yon? Maniniwala kami sa sinasabi n'yong dalawa pero kung wala namang ebidensiya kayo na maipapakita sa aming dalawa ay hindi namin kayo paniniwalaan kahit naging malapit tayo sa isa't isa. Ang kailangan namin ay ebidensiya na patunay na hindi si Andrea ang nagpakalat ng balitang 'yon na may relasyon kaming dalawa ng boss natin. Siya pa naman ang tinuturo ng karamihan, 'di ba? Sa tingin n'yo ba ay ganoon kadali 'yon na siya ang itinuro kung hindi totoo na siya nga ang may gawa ng bagay na 'yon, huh?!" sabi ni Ella Marie sa kanilang dalawa na magkaibigan. Lumuluha ito sa harap nila.

"Alam n'yo ba nasasaktan ako sa nangyaring 'yon. Nahusgahan tuloy ako ng mga kapwa natin empleyado dahil sa nalaman nila na may relasyon kaming dalawa ng boss natin. Masama bang magmahal ng taong hindi mo naman ka-level? Hindi naman, 'di ba? Ang importante sa lahat ay