Chapter 109

Walang imik si Andrea habang nagtatrabaho silang dalawa na magkaibigan sa loob ng opisina ng department nila. Habang nagtatrabaho siya ay hindi pa rin mawala-wala sa isip niya ang nangyari na 'yon. Hindi siya makapaniwala na siya ang itinuturo sa kasalanan na hindi naman niya ginawa. Naisip pa niya na mas mabuti pa sigurong hindi na sila nagkausap ni Mr. Rodriguez tungkol sa relasyon nito kay Ella Marie para hindi na siya namroroblema sa isyung 'yon.

Maaga silang dalawa ni Gretta lumabas kinahapunan. Dire-diretsong lumabas sila sa loob ng company building na para bang silang dalawa lang ang tao doon. Hinahayaan lang nila ang mga taong nakatingin sa kanilang dalawa lalo na kay Andrea.

"Saan tayo?" mahinang tanong ni Gretta kay Andrea nang tuluyang makalabas silang dalawa. Naghihintay sila ng taxi na masasakyaan. Nakangusong humarap si Andrea kay Gretta na hinihintay ang isasagot niya.

"Hindi ko alam. Hindi ko alam kung saan tayo pupunta. Syempre ay uuwi na sa mga bahay natin. Wala nama