Chapter 117

Papalabas na sana si Gretta mula sa restroom nang makarinig siya ng dalawang babae na nagtatalo papasok doon. Pamilyar sa kanya ang boses na naririnig niya. Siguradong-sigurado siya na sina Ella Marie at Clarissa 'yon. Makakasalubong niya ito papalabas kaya ang ginawa niya ay bumalik siya sa cubicle na nasa dulo at sinara 'yon. Narinig ni Gretta na pabagsak na sinara ang pinto ng restroom na 'yon. Ikinalma niya ang sarili niya at tumahimik sa loob ng cubicle na 'yon.

"I couldn't believe that you would do this to me, Clarissa. Akala ko ba ay magkaibigan tayo?! Bakit mo nagawa 'to, huh?!" humihikbing singhal ni Ella Marie kay Clarissa na matalim na nakatingin sa kanya.

"Wala akong ginagawang masama sa 'yo, Ella Marie!" tugon ni Clarissa kay Ella Marie. "Will you please keep your mouth shut?!"

"Ano'ng wala kang ginagawang masama?! Naririnig mo ba ang sinasabi mo sa akin ngayon, Clarissa?! Sa tingin mo ba ay tama ang ginagawa mo, huh?! May girlfriend na 'yung tayo tapos ganoon ang ginag