Chapter 118

"Kanina ka pa ba na babae ka d'yan sa loob, huh?!" matigas na tanong ni Clarissa kay Gretta na matapang na hinarap siya. Tinaasan niya ito ng kanyang dalawang mga kilay at saka sinagot ito.

"Oo. Kanina pa ako nasa loob ng cubicle na 'yan, Clarissa. Rinig na rinig ko ang lahat sa inyo ni Ella Marie. Wala akong pakialam sa kung ano man ang ginawa mong kasalanan sa kanya! Ang kailangan ko lang ay ang tungkol sa ginawa mong paninira sa kaibigan ko na si Andrea! Napakawalang hiya mo rin, 'no?! Napakasama mo! Ikaw lang naman pala ang may gawa ng kasalanan na 'yon na sa kaibigan ko pa binibintang ng lahat! Tama si Ella Marie na napakawalang puso mo kahit kailan! Wala kang puso, Clarissa. Ang sama ng ugali mo!" bulyaw ni Gretta kay Clarissa. Galit na galit siya dito kaya isang malakas na sampal ang pinakawalan niya dito.

Sasampalin rin sana siya ni Clarissa ngunit nahawakan niya ang kamay nito kaya hindi nito nasampal siya. Nagsukatan sila ng masamang tingin sa isa't isa. "May karapatan akon