Chapter 28.2: Phone call

Phone call

    Tawa nang tawa si Raymond noong sinabi niya na pinauwi sa kanya ng nanay ni Toto si Ramiel. Kaya noong puntahan siya nito matapos ang ginagawa nito, kinuha kaagad nito si Ramiel mula sa kanya na sinalubong naman ni Ramiel si Raymond nang malawak na ngiti. 

"Ang cute naman ni Baby Ramiel," tukso nito sa tumatawang bata. Pagkatapos, tumingin sa kanya si Raymond at nagpipigil ito ng ngisi. 

"Ano ’yang itsura na ’yan?" Nakataas ang kilay niya sa mukha ni Raymond ngayon. Nilapit ni Raymond ang mukha sa kanya at hinalikan siya. Pinaikutan na lang ng mata ni Dennis ang lalaki. 

"Ang galing lang kasi," natatawa ito habang nagsasalita. Si Ramiel naman ay nakatingin kay Raymond habang nagsasalita ito. Parang naiintindihan talaga ang sinasabi ni Raymond kaya mahina siyang napahalakhak.

"...Parang family talaga tayo. Ako kunwari galing trabaho tapos kayo sasalubong sa akin sa