Chapter 32

Nagsalin ako ng tubig sa aking baso saka ininom ito. Inayos ko ang aking mga kubyertos. Gutom ako pero bigla akong nawalan ng ganang kumain.

"I'm done. Enjoy your breakfast. Magbibihis na ako." Sabi ko bago tumayo.

"Tapos ka na agad? Bakit kaunti lang ang kinain mo? On diet ka ba?" Tanong ni Mommy saka tiningnan ang aking plato. "Kailangan mong kumain ng maayos baka magkasakit ka. Ano na lang ang iisipin ni Mr. Mercedez? Baka iisipin nila na isa akong pabayang ina."

Bumuntong hininga ako. Akala ko ay concern siya sa akin. Mas concern pa siya kung ano ang magiging feedback ng mga Mercedez sa kaniya kapag nagkasakit ako.

"Busog na po ako." Nakangiting sabi ko.

"Huwag niyo na siyang alalahanin, Mom. Malaki na siya, kaya niya na ang sarili niya." Singit ni Ate Cecile bago uminom ng malamig na juice.

"Just let her go. May trabaho pa siya." Malamig na sabi ni Daddy. Nginitian ko na lang sila bago tumalikod.

"Kung sa bagay, kailangan niya talagang magtrabaho dahil hindi naman siya par